Titel: “Die Krag van ’n Godvresende Ma”

Inleiding: Moederdsdag is meer as net ‘n mooi kaartjie

Vandag vier ons Moedersdag – ’n dag gevul met blomme, oproepe, en miskien ’n bietjie ontbyt in die bed en ’n gekenkie.

Ons wil vandag nie net moeders eer nie, maar ’n lig skyn op Ma’s se Godgegewe invloed.

“Mammas julle is nie net versorgers nie, maar julle het ’n lewensveranderende geestelike invloed in families en in gemeenskappe wat duur oor geslagte en jare heen”.

 Ons gaan vanoggend na ’n paar mammas in die Woord kyk.

• Maria            Lukas 1:26-31
• Lois en Eunice            Timotius 1:5
• Debora            Rigters 5:6-7 & Rigters 4:4-22
• Godvresende Vrou/Ma: Spreuke 31:10–31

Ek wil vir al die mammas sê:

1. Vanoggend wil ek vir julle kom dankie sê
2. Vanoggend wil ek julle kom eer en erkenning gee vir julle rol in die koninkryk
3. Vanoggend wil ek julle kom bemoedig

Ander mammas:

1. Maria is gekies (Lukas 1:26-31)

• Jesus se ma
• God die Vader kies vir Maria
  • God kies jou vir jou kinders

Was Maria perfek?

Nee, maar sy was die perfekte persoon vir die rol/pos van Jesus se Ma wees.

Jy dink dalk jy het al so baie foute gemaak en is nie perfek nie…

… maar God sê jy is die perfekte ma vir jou kinders

Lukas 1:26-28 sê:

26In die sesde maand van Elisabet se swangerskap het God die engel Gabriël gestuur na ‘n maagd in Nasaret, ‘n dorp in Galilea. 27Sy was verloof aan Josef, ‘n man uit die geslag van Dawid. Die naam van die maagd was Maria. 28Toe die engel by haar kom, sê hy: “Ek groet jou, begenadigde! Die Here is by jou.”

Mammas, julle moet onthou dat net soos met Maria sê die Here vanoggend vir jou:

• Ek is met jou
• Ek wat God is het jou gekies om die ma te wees wat jy is
• Jy is goed genoeg (moenie vergelyk nie en al lieg die duiwel soms vir jou en kla jou aan) JY IS GOED GENOEG
• Ek wat God is, is aan jou kant
• Ek wat God is, ek sorg vir jou
• God sê: “I have got your back”
• Moenie bekommerd wees of bang wees vir jou kinders se onthalwe of in vrees lewe vir hulle toekoms nie.
• Ek wat God is, deel verantwoordelikheid van hulle met jou.
• Ek wat God is, is baie lief vir jou en net so is Ek baie lief vir hulle ook.
• “I have got your back” & “I have got their back”

 Maria was ’n ma net soos julle mammas hier vanoggend.

“the missing years”

 Lukas 2:52

En Jesus het verstandelik en liggaamlik gegroei en in guns by God en die mense toegeneem.

 Jesus se mamma maak hom groot, versorg en leer Hom

Liggaam: Maria versorg Hom (leer Hom loop, eet en hy groei fisies)

Siel: Maria leer Hom (dink en redeneer en vorm sy inteletuele en emosinele self).

Gees: Maria leer Hom (Wys en leer Hom van God en godsdiens en die weë van God)

 Net soos Maria, in die grootmaak van ons kinders hoef julle ma’s nie twyfel of bang of bekommerd te wees nie, want God sê: Hy is met jou.

2. Debora was ’n geestelike ma (Rigters 4 en 5)

Debora die heldin (wie sal saamstem dat ma’s heroes is?)

Rigters 5:6-7

6“In die dae van Samgar seun van Anat, in die dae van Jael was die hoofpaaie stil, reisigers het ompaaie gebruik.

7Die lewe buite die stede het in Israel gekwyn en agteruitgegaan totdat ek, Debora, na vore gekom het, totdat ‘n moeder in Israel na vore gekom het.

Debora is die geestelike moeder van ’n volk.

 Roaring lioness prentjie in my kop (lees Rigters 4) – Warrior Prophet –

Debora se afgeleide eienskappe uit Rigters 4:4-22

• Leier van die volk (Leier en vat verantwoordelikheid)
• Rigter (Judge) Regverdig
• Raadgewer (Wysheid)
• Selfverseker (selfvertroue omdat Sy God hoor en vertrou)
• Profeet (ken God se stem en spandeer tyd en praat met Hom)
• Kryger/Warrior (veg vir haar kinders en dra hulle op in gebed)
• Sanger en skrywer en digter (Loof en prys die Here en bring Hom eer)

Vanoggend sit daar Deboras voor my!

Vanoggend sit daar leeuwyfie-mammas voor my!

• Ek sien mammas voor my sit wat hulle kinders versorg en leer
• Ek sien mammas voor my sit wat hulle kinders beskerm
• Ek sien mammas voor my sit wat hulle kinders aanmoedig en in hulle glo

Soos daardie mammas langs die sport veld is daar mammas wat langs die veld staan as hulle kinders die spel van die lewe speel en dan sê/liewer verklaar:

• Ek glo dat die Here ’n plan het met jou lewe
• Ek glo dat jy gebore is vir ’n tyd soos hierdie
• Ek glo dat jy kan (selfs as die wêreld sê jy kan nie)
• Ek glo dat God aan jou kant is
• Ek glo dat jy gebore is om groot hoogtes te bereik
• Ek glo dat jy ’n impak gaan maak nie net in hierdie wêreld nie maar in God se Koninkryk
• Ek glo dat jy spesiaal gemaak en gevorm is
• Ek glo dat God jou beskerm en lei
• Ek glo dat God jou gaan gebruik
• Ek glo dat jy ’n instrument in God se hand is en Sy goedheid en guns en salwing op jou rus.

Wat jy ook al doen, moet nooit ophou glo in jou kind nie.

Bly vir jou kind bid en hou aan om God se beloftes oor hulle verklaar.

Don’t stop believing…

Don’t stop praying…

Ek weet en glo vas… daar is krag in die gebed van ’n Godvresende Ma.

3. Lois (ouma) en Eunice (mamma) – geestelike nalatingskap 

2 Timoteus 1:5 (Paulus in ’n brief aan Timoteus)
Ek dink ook aan jou opregte geloof, dieselfde geloof wat al in jou ouma Loïs en in jou ma Eunice was, en wat, (daarvan is ek oortuig), ook in jou is.

 AMP 5 I remember your sincere and unqualified faith [the surrendering of your entire self to God in Christ with confident trust in His power, wisdom and goodness, a faith] which first lived in [the heart of] your grandmother Lois and your mother Eunice, and I am confident that it is in you as well.

 Hierdie ouma en mamma se impak in Timoteus se lewe was “massive” en impakteer geestelik… nie net sy generasie nie maar generasie tot vandag toe, en in die toekoms in.

Hulle ma-wees impakteer en inspireer jou nogsteeds vanoggend hier in jou stoel.

Stelling: Jou ma-wees strek verder as wat jy dink.

• Elke moeder maak ’n impak. Nie net op haar kinders nie, maar op geslagte wat volg.
• ‘n Ma se invloed is nie net emosioneel of prakties nie – dit is ook geestelik

Hoe?

• Wanneer jy bid voor jou kinders.
• Wanneer jy op God vertrou in tye van nood.
• Wanneer jy vergewe, liefhet en dien.
• In alles wat jy doen

Dit is die krag van ’n Godvresende Ma!

Opsomming:

• Mammas: moet nie twyfel of jy goed genoeg is nie. Jy is! en God het jou spesiaal hiervoor gekies.
• Hy wat God is, is met jou.
• Don’t stop believing
• Don’t stop praying
• Glo en spreek lewe oor jou kinders
• Jou invloed en ma-wees het ’n impak op jou kinders en generasies en baie lewens wat daarop volg.

Net soos die ma’s in die Bybel is jy gekies, God is met jou, jy is ’n warrior, jou invloed is kragtig en langdurend.Aanhaling:

“Motherhood as the Bible describes it is a reflection of the nature of God”