Gereed vir die ryp?

Inleiding:

Koud deesdae? – ryp het my plante verniel want hulle is in die oopte.

Daar is wel plante wat onder ander bome is – hulle is nog mooi gesond.

LCF gemeente is soos hierdie tuin – Ek wonder watse plant is ek en jy? Die groot boom(immergroen, gehard), die plant onder hom(broos), die plante in die oopte(het baie houe gevat)?

Dink aan jou week. Watter woorde kom by jou op? “besig,”volgepak,” “stresvol”“uitgeput”?

Hardloop: Skoolaflaai, Werk,  Huiswerk, sportoefening, Taak, Ekstra klasse, Koekverkoping, Slaaptydroetines, net om alles môre weer te doen.

Ons kalenders is vol, ons lewens is vol, maar tog kan ons soms ongelooflik alleen voel. Ons is heeltyd omring deur mense, tog voel dit of ware, diep konneksie ontbreek.

Wat is ons natuurlike reaksie? – onttrek onsself uit die groter groep en draai na ons individuele gesinne, en kies om die uitdagings van die lewe in isolasie te veg.

Daars 2 weke van hierdie skoolvakansie wat voorlê – My hoop, my gebed, is dat hierdie tyd iets diepgaande oor ons(LCF) sal openbaar. My hoop is dat ons ‘n gemeente sal wees wat opregte belangstelling toon, diep omgee, en meer met hul kerkfamilielede betrokke raak. Want die waarheid is, ons(die kerk) is geroep om veel meer te wees as net informele kennisse wat een keer per week ontmoet.

In die kerk — die liggaam van Christus — is ontwerp vir gemeenskap, vir broederskap, vir liefde in aksie.

Ons is geroep om mekaar te ondersteun en beskerm. Geestelik, emosioneel, prakties. – God het ons nie geskep om alleen te wandel nie.

Wanneer die ryp kom – waar gaan jy jouself bevind? Alleen en geisoleer, of onder die beskutting van ’n geloofs-gemeenskap?

Ons kyk vandag na twee Skrifgedeeltes – een uit die Ou Testament en een uit die Nuwe Testament.

1. Krag in Eenheid

Prediker 4:9–12: (Skrywer obserweer alles “onder die son”. Waarnemings van tydlose en fundamentele waarhede van die mensdom)

“9Twee is beter as een, want hulle het ‘n goeie beloning vir hulle moeitevolle arbeid.

• Die lewe is moeilik: kinders grootmaak, huishouding bestuur, ‘n loopbaan bou = die las te deel, meer produktief, minder geneig tot uitbranding                      (haal die stoele uit)

10Want as hulle val, kan die een sy maat optel…

• (Val is nie net sonde nie), kan ook: mediese diagnose, werk verloor, styd in jou huwelik, dood van familielid.

My ma oorlede toe ek 20jr oud was – ons familie het ons baie ondersteun MAAR –

– Tannies van die kerk het kos gebring.

– Ouderlinge het na ons huis te gekom om ons te bemoedig en te bid.

– Band-vriende het kom koffie drink, my kom oplaai, pannekoek gebring.

…maar wee die een wat val sonder dat daar ‘n tweede is om hom op te tel.

Wanneer jy val maar is alleen – hang die “wee” van die Prediker swaar – daars niemand om ‘n hand aan te bied, ‘n woord van aanmoediging te spreek, vir jou te bid, om eenvoudig te sê, “Ek sien jou, en ek is hier nie.”

• Dit is ‘n duidelike waarskuwing teen self-isolasie.

• Discovery channel…
• Worshipaand die naweek nadat my ma oorlede is. (Tussen wie wou ek wees, hoekom?)
• 2am McD’s storie

“12 En as iemand die een aanval, kan altwee hom teëstand bied; en ‘n driedubbele lyn word nie gou verbreek nie”.

Die vyand hou daarvan om mense in isolasie vas te vang. Alleen. Skaam. Sonder ondersteuning. —— Maar God se ontwerp is juis die teenoorgestelde.

Prediker sê ons krag lê in bemoediging, ondersteuning, verantwoordbaarheid en beskerming kom wanneer ons rug teen rug staan — saamstaan soos soldate in geveg.

– Deur op verhoog saam met Pieter.

Wanneer ons vir mekaar bid, mekaar beskerm en eerlik teenoor mekaar is, word ons daardie driedubbele tou: sterk, onbreekbaar.

2. Die Merk van Dissipelskap

Johannes 13:34–35:
Jesus en dissipels in die bo-vertrek —— skok hulle deur ’n daad van nederigheid – hulle voete te was en toe gee hy vir hulle Sy laaste instruksies….

“’n Nuwe gebod gee Ek aan julle: Julle moet mekaar liefhê. ……Soos Ek julle liefgehad het, moet julle mekaar ook liefhê. Hieraan sal almal weet dat julle my dissipels is — as julle mekaar liefhet.”

Nie ’n voorstel nie; ’n mandaat of bevel.

Ou testament (Lev 19:18) leer ons om “ons naaste soos onsself lief te hê”

Wat is die verskil tussen die ou bevel en die nuwe een? – Die standaard “Soos ek julle lief gehad het”

Die maatstaf is nie ons eie self-liefde nie, ook nie ons menslike liefde wat van nature kom nie, maar oonvoorwaardelike, selfopofferende, onselfsugtige liefde.

Dit is hierdie soort liefde wat Jesus motifeer het om sy volgelinge se vuil voete te was, om die las van ons sonde te dra, om Sy lewe aan ‘n kruis af te lê.

– Hy loop nie net langs ons nie – hy dra ons; Hy bied nie simpatie aan nie – Hy bied redding aan.

Die soort liefde wat Jesus vir ons modelleer is onbaatsigtige, ander-gerigte liefde.

• Die mees verstommende deel – ons liefde vir mekaar ons kragtigste evangelistiese instrument is. “Hieraan sal almal weet dat julle my dissipels is — as julle mekaar liefhet.”

Ons wêreld word gekenmerk aan verdeeldheid, selfsug en isolasie.

• Vraag – is ek en jy deel van ’n Christen gemeenskap wat verder as toevallige kennisse beweeg en mekaar intensioneel en onselfsugtig lief het, en soedoende die transformerende krag van die Evangelie aan ‘n wêreld wat toekyk, openbaar.

Hoe gaan die wêreld weet ons volg Jesus? Deur ons goeie preke? Perfekte doktrines? Foutlose aanbidding? Ons geboue? Ons sosiale media teenwoordigheid?

Nee! — Jesus sê die wêreld sal weet ons is Sy dissipels deur ons liefde vir mekaar.

Nie sommer enige liefde nie — maar liefde soos Hy ons liefhet…….

Onselfsugtig. Getrou. Opofferend.

• Besef ons – Wanneer ons mekaar lief het— wanneer ons mekaar dien, verdra en ophelp — wys ons vir die wêreld hoe Jesus lyk?

Laat ek jou vandag vra:

• Wie in jou lewe moet weet jy staan langs hom?
• Wie struikel of dra swaar alleen?
• Hoe kan jy vandag die liefde van Jesus sigbaar maak?

Laat ons ’n gemeente wees wat bekend is nie net vir wat ons glo nie, maar hoe ons liefhet.