Boodskap / Preek oor: Laat U Naam geheilig word -

Laat U Naam Geheilig Word

Skrifgedeelte

Matteus 6:9 – “Ons Vader wat in die hemele is, laat U Naam geheilig word.”

Inleiding

Die Here het my kom aankla oor hierdie en daarom voel ek, ek moet dit met julle kom deel. By die manne is ons nou besig om deur Romeine te werk. InRomeine 1:18 skryf Paulus: “God openbaar vanuit die hemel sy toorn oor al die goddeloosheid en ongeregtigheid van die mense wat die waarheid deurhulle ongeregtigheid probeer onderdruk.” Dan aan die einde van Rom 1gaan hy deur ‘n hele lys dinge waaraan die mens hulself oorgegee het. En so terwyl Paulus deur hierdie lys gaan kan ons almal sien hoe al hierdiedinge besig is om in die wêreld te gebeur. MAAR, dan kom vers 32: “Hulle is bewus van God se bepaling dat mense wat met sulke praktyke besig is, die dood verdien. Tog is hulle nie net self aktief daarmee besig nie; hulle spoor ook nog ander aan wat daarmee besig is.” Die Engelse vertalings gebruikdie woorde – approve and tolerate others who practice them.

Toe Jesus sy dissipels leer bid het, begin Hy met “Ons Vader wat in die hemele is, laat U Naam geheilig word.” Voordat Hy vra vir voorsiening, vergifnis of beskerming – Hy begin by God en Sy heiligheid en heerlikheid. Hierdie volgorde is nie toevallig nie; dit openbaar die hart EN kern van gebed.

Ons leef in ’n wêreld waar die media – televisie, films, musiek, sosialenetwerke – ’n groot invloed op mense se denke en waardes het. Ongelukkigsien ons dat God se Naam dikwels ydelik, ligsinnig en selfs spottendgebruik word. Wat God aan ons gegee het as heilig, word in die media dikwels ontheilig.

Die Bybel leer ons dat God se Naam meer as net ’n klank (YHWH) of ’n title is. Sy Naam openbaar wie Hy is – Sy karakter, Sy heiligheid, Sy geregtigheid en Sy getrouheid. Om Sy Naam te heilig beteken om Hom enSy Naam met die hoogste eer en respek te behandel.

1. Wat beteken dit om God se Naam te heilig?

• Yitkadesh – Die woord beteken “set apart as holy”, m.a.w. geheiligbeteken om afgesonder te wees, om te eerbiedig, om bo alles die hoogste eer te gee.

• Om te bid “Laat U Naam geheilig word” of soos in Engels “Let Your Name be made holy” is om te vra dat God se karakter, Sy heiligheid enSy glorie erken en geëer sal word – in ons eie lewe, in die kerk, en in die wêreld.

• ’n Naam in die Bybelse tyd staan vir die persoon se karakter enreputasie.

Voorbeeld: ’n Familienaam word deur elke geslag gedra. As jy die naam oneer aandoen, raak dit almal. Net so dra ons as kinders van God Sy Naam, en ons lewe moet dit weerspieël.

2. God se Naam is heilig

• Psalm 111:9 – “Heilig en ontsagwekkend is sy Naam.” (NLV); “Vir God moet jy groot respek hê. Jy kan nie sy Naam los en vas gebruik nie.” (DB)

• Jesaja 57:15 – “So sê Hy wat hoog en verhewe is, Hy wat ewig leef enwie se Naam die Heilige is: Ek woon in ‘n hoë en heilige plek en Ek is by hom wat verdruk en nederig is...”

God se Naam weerspieël Sy wese. Hy is heeltemal afgesonder en verwydervan sonde, volkome suiwer, en volmaakte lig. Wanneer ons Sy Naam noem, raak ons aan die openbaring van Sy karakter.

Illustrasie: ’n Koning se naam dra gesag. Hoeveel te meer die Naam van die Koning van konings, wat volmaak heilig is.

3. Die ontheiliging van God se Naam

• God waarsku ons – in Eksodus 20:7 – “Jy mag die Naam van die Here jou God nie ydelik gebruik nie; want die Here sal die een wat sy Naam ydelik gebruik, nie ongestraf laat bly nie.”

• MAAR nog steeds luister ons nie. Romeine 2:24 – “Want die Naam van God word om julle ontwil onder die heidene gelaster…” – Dit gebeurvandag ook: mense spot met God se Naam en karakter.

God self heilig Sy Naam

• In Esegiël 36:23 sê die Here: “Ek sal die heiligheid van my groot Naam bekend maak wat deur die nasies ontheilig is.”

• Selfs al word Sy Naam belaster, God self waak oor Sy eer.

• Ons roeping as Sy kinders is om saam te werk met Sy plan – dat Sy Naam op aarde en in die hemel geëer sal word.

Voorbeeld: In baie films of liedjies word die uitdrukking “Oh my God” ligsinnig gebruik. Dis nie aanbidding nie, dis leeg en oneerbiedig – ditontheilig Sy Naam.

Om Sy Naam ydelik te gebruik beteken nie net om dit as ’n vloekwoord tegebruik nie, maar ook om Sy Naam aan te roep sonder respek, of om as Sy kinders te leef op ’n manier wat Hom oneer aandoen.

4. Die Ontheiliging van Jesus Christus se Naam in die Media

Die Naam van Jesus Christus is die mees verhewe en heilige Naam wat die wêreld ken.

• Filippense 2:9–11 – “Daarom het God Hom ook uitermate verhoog enHom die Naam gegee wat bo elke naam is, sodat in die Naam van Jesus elke knie sal buig… en elke tong sal bely dat Jesus Christus die Here is, tot heerlikheid van God die Vader.”

• Waar die Bybel sê dat elke tong Hom as Here moet bely, gebruik baiemense Sy Naam eerder as ’n vloekwoord of ’n grap.

• Baie rolprente en reekse gebruik die Naam “Jesus Christ” as ’n uitroepvan woede of verbasing – nie in gebed nie, maar as ’n vloekwoord. – Clarkson’s Farm

• In sosiale media word memes en grappies gemaak wat Sy Naam belaglik voorstel.

• In musiek word Jesus se Naam soms ligsinnig of spottend gebruik.

Die Naam van Jesus verteenwoordig verlossing, lewe, en hoop. Dit is niemaar net ’n gewone naam nie, maar die openbaring van God se reddingsplan.

• Handelinge 4:12 – “Hý bring die verlossing en niemand anders nie. Daar is geen ander naam op die aarde aan die mense gegee waardeur God wil dat ons verlos moet word nie.”

• Johannes 20:31 – “…maar hierdie is geskryf sodat julle kan glo datJesus die Christus is, die Seun van God, en dat julle deur te glo die lewe kan hê in sy Naam.”

• Matteus 1:21 – “Jy moet Hom die Naam Jesus gee, want dit is Hy wat syvolk van hulle sondes sal verlos.”

Wanneer die wêreld Jesus se Naam ontheilig, wys dit ’n gebrek aan eerbiedvir die Een wat die Verlosser van die wêreld is.

• Matteus 12:36 – “Maar Ek sê vir julle dat elke ydele woord wat die mense spreek, hulle daarvan rekenskap sal gee in die oordeelsdag.”

• Johannes 3:19 – “…die lig het in die wêreld gekom, en die mense het die duisternis liewer gehad as die lig…”

Om Jesus se Naam te bespot, bring nie lig nie, maar duisternis. Dit maakmense ongevoelig vir die heiligheid van God en laat veral jonger geslagtedink dat Sy Naam niks beteken nie.

5. Sy Naam is Nie ’n Vullerwoord in Gebed nie

Baie van ons het dit al gehoor – en dalk selfs self gedoen: in gebed word die Naam van die Here of die woord herhaaldelik gebruik, soms net as ’n vuller tussen sinne. Alhoewel dit dikwels onbewustelik gebeur, moet onsvra: Behandel ons die Naam van God met die eerbied wat dit verdien?Onthou DB vertaling sê da tons nie die Here se Naam lose n vas moetgebruik nie…

• Matteus 6:7–8 – “Maar as julle bid, gebruik nie ydele herhalings soosdie heidene nie; want hulle dink dat hulle deur hulle baie woordeverhoor sal word. Moet dan nie soos hulle wees nie; want julle Vader weet wat julle nodig het voordat julle Hom vra.”

God se Naam is heilig. Wanneer dit in gebed ligsinnig of meganies gebruikword, verloor ons die erns en die eerbied waarmee ons Hom moet nader.

• Matteus 6:7 – Jesus waarsku uitdruklik teen “ydele herhalings” in gebed. Dit beteken nie dat ons nie met volharding mag bid nie (Lukas 18:1–8), maar dit beteken ons moet nie sinlose, meganieseherhaling gebruik sonder nadenke nie.

• Prediker 5:2 – “Moet nie haastig wees met jou mond nie, en laat jou hart nie gou ’n woord uitbring voor die aangesig van God nie; want God is in die hemel en jy is op die aarde; laat daarom jou woorde min wees.”

Wanneer ons God se Naam te veel en onnadenkend gebruik in gebed, gebeur die volgende:

• Ons verloor die ernstigheid van Sy Naam.

• Ander kan die indruk kry dat God se Naam maar net ’n leë klank is.

• Ons fokus skuif van ’n hartsgesprek na blote gewoontetaal.

Voorbeeld: Dink aan iemand wat voortdurend jou naam in ’n gesprek sêsonder rede – dit klink onnatuurlik en leeg. Net so kan ons God se Naam goedkoop maak as ons dit meganies herhaal.

Hoe Kan Ons God se Naam in Gebed Heilig Hou?

1. Bid met nadenke – Kies jou woorde met erns, dink oor wat jy sê(Kolossense 4:2).

2. Gebruik God se Naam doelbewus – Wanneer jy “Here” of “Vader” sê, sê dit met eerbied en bewustheid.

3. Laat jou hart spreek, nie net jou tong nie – Psalm 19:15 – “Laat die woorde van my mond en die oordenking van my hart aanneemlik wees voor U aangesig, o Here.”

4. Volg Jesus se voorbeeld – In Johannes 17 bid Jesus nie met vullerwoorde nie, maar met duidelike, eerbiedige aanspreke van die Vader.

Ons gebede behoort die heiligheid van God se Naam te weerspieël. Hy is nie ’n maatjie wat ons onnadenkend aanspreek nie, maar die AlmagtigeVader wat Sy kinders liefhet en luister na hulle. Laat ons ophou om Sy Naam as ’n vuller te gebruik, en eerder leer om Hom met erns, respek enliefde aan te spreek.

6. Ons Roeping om Sy Naam te Heilig

• Romeine 12:2 – “Julle moenie aan hierdie sondige wêreld gelyk word nie, maar laat God julle verander deur julle denke te vernuwe. Dan saljulle ook kan onderskei wat die wil van God is, wat vir Hom goed enaanneemlik en volmaak is.”

• Kolossense 3:17 – “En wat julle ook al doen, in woord of in daad, doenalles in die Naam van die Here Jesus.”

• 1 Petrus 3:15 – “Maar heilig God die Here in julle harte; en wees altydgereed om verantwoording te doen aan elkeen wat van julle ’n rede eisvan die hoop wat in julle is, met sagmoedigheid en vrees.”

• Romeine 1:16 – “Want ek skaam my nie vir die evangelie van Christus nie, want dit is ’n krag van God tot redding vir elkeen wat glo…”

Ons heilig God en Jesus se Naam deur:

1. Hoe ons praat: Vermy om Sy Naam ligsinnig te gebruik, gebruik ditmet eerbied in gebed en getuienis.

2. Hoe ons leef: Ons lewens moet Sy heiligheid weerspieël – onsoptrede kan Sy Naam groot maak of ontheilig.

3. Hoe ons reageer: Moenie skaam wees om Sy Naam te bely nie, selfsal maak die wêreld dit belaglik.

Die wêreld mag dalk Jesus se Naam as ’n vloek of ’n grap gebruik, maar die Bybel leer ons dat daar ’n dag kom wanneer elke knie sal buig enelke tong sal bely dat Hy die Here is (Fil. 2:10–11). As gelowiges moetons nou reeds leef en bid dat Sy Naam geheilig word – in ons woorde, in ons dade, en in ons getuienis in die media en die samelewing.