As jy die eerste knoop verkeerd kry… Anton – 3 Aug 2025
Inleiding:
Het jy al ooit ‘n hemp verkeerd begin toeknoop? As jy nie eers met die regte “knoop” (God se Koninkryk) vasmaak nie, dan is die res van jou dag en jou lewe ook geneig om skeef te trek.
Hoe ons begin, hoe ons wegspring… maak saak!
Matteus 6:33
“Maar soek eers die Koninkryk van God en Sy geregtigheid, dan sal al hierdie dinge vir julle bygevoeg word.”
Konteks:
Matteus 6 is deel van Jesus se Bergpredikasie Voor vers 33 praat Jesus van mense wat hulleself bekommer die “al hierdie dinge” = oor kos, klere en geldsake.
Dis nie dat Jesus sê jy mág nie daai dinge hê nie — Hy sê net dat jy dit nie eerste soek moet soek nie.
Klem op van die woorde in vers 33:
Woord “MAAR…”
Klein woordjie, maar ’n groot skakel. Jesus sê eintlik: “Moenie soos die wêreld agter goed aan hardloop nie — MAAR doen eerder dít…” vanoggend praat ons oor dit.
Romeine 12:2 sê:
“Moenie aan hierdie wêreld gelykvormig wees nie, maar word verander…”
Ons het deel aan die nuwe verbond waar dit nie gaan oor harder probeer nie, maar gaan oor anders glo.
Dié “maar” is ‘n kopskuif — van vrees na vertroue.
Woord “SOEK”
Dis nie “wens vir” of “hou duime vas vir” nie.
Die Griekse woord zēteō beteken jy dit najaag. Jy’s gefokus. Jy pursue dit.
Jeremia 29:13:
“As julle My soek, sal julle My vind – as julle My soek met julle hele hart.”
Woord “EERS”
Eerste! Dis ‘n prioriteit. Dis eerste, nie laaste nie.
Nie “as daar tyd is” nie. Eerste
Spreuke 3:6:
“Ken Hom “eerste” in al jou weë, dan sal Hy jou paaie reguit maak.”
As God regtig eerste is, dan lei Sy Woord en Gees van Waarheid jou, en jy word nie heen en weer gelei deur gevoel en emosie nie.
Woorde “DIE KONINKRYK VAN GOD”
Wat is dit?
- Dis nie ’n plek nie of êrens in die lug nie. Dis nie die hemel nie.
- Dis God se manier van doen en werk en regeer.
- Soos Mat sê: His way of doing and being right—the attitude and character of God
- Dis hoe dit lyk wanneer jy Hom laat regeer in jou lewe.
Nog ’n skrif wat Koninkryk beskryf?
Romeine 14:17:
“Die Koninkryk is nie eet en drink nie, maar geregtigheid, vrede en blydskap in die Heilige Gees.”
- Die Koninkryk is nie ‘n plek nie — dis ‘n perspektief en ingesteldheid.
- Jy dra koninkryk binne jou saam met saam met jou.
Woorde “EN SY GEREGTIGHEID”
Dis nie net om ‘n “goeie lewe” te lei nie — maar Sy geregtigheid.
Dit beteken jy’s geregverdig/in right standing voor God, nie omdat jy goed genoeg is nie, maar omdat Jesus jou plek geneem het, so…
Wie bewerk geregtigheid in ‘n kind van God?
- God self – hoe? – deur Jesus Christus
Geregtigheid begin nie by die mens nie, dit begin by God.
Dit is nie iets wat ons verdien of bereik deur goeie gedrag nie — dit is iets wat God skenk.
2 Korintiërs 5:21
“Hy wat geen sonde geken het nie, het vir ons sonde geword, sodat ons in Hom die geregtigheid van God kan word.”
Die oomblik wanneer jy in Christus is, word Sy geregtigheid jou posisie.
Dit is ‘n reg–status wat God aan jou toeken.
“God verander jou identiteit/posisie voor Hy jou gedrag aanspreek.”
- Die Heilige Gees bewerk ons geregtigheid – Hy is ons innerlike leermeester
- Die Heilige Gees is die Een wat Sy geregtigheid in jou hart inbou nadat jy in Christus is.
- Heilige gees transformeer/verander.
Verander wat?
Jou uitkyk en karakter waaruit jou asksies vloei.
Hy leer jou hoe om te leef volgens wie jy (posisioneel) reeds is in Christus.
Romeine 8:4
“…sodat die reg van die wet in ons vervul kon word wat nie volgens die vlees wandel nie, maar volgens die Gees.”
- Dit beteken jy leef met nuwe krag, nuwe begeertes, en ‘n nuwe Helper.
- Die Heilige Gees gee nie net insig nie – Hy gee ook krag om reg te leef.
Hoe bewerk Heilige Gees geregtigheid dit in my lewe?
- Deur my te herinner aan my nuwe identiteit – jy weet wie jy is
Sonde is dikwels die gevolg van vergete/onware identiteit wat ons oor ons self glo.
Die Heilige Gees herinner jou daagliks:
Waaraan herinner Hy jou?
- Jy is geregverdig deur die prys wat Jesus aan die kruis betaal het.
- Jy is skoongewas deur Jesus se bloed.
- Jy is ‘n kind van God.
Romeine 8:16
“Die Gees self getuig saam met ons gees dat ons kinders van God is.”
- Heilige Gees bewerk geregtigheid deur verhouding – nie wette nie
Geregtigheid is nie ‘n stel reels nie — dis ‘n verhouding met die Regverdige God.
Die Heilige Gees werk deur INTIMIteit, nie INTIMIdasie.
- Deur die Woord
Die Gees gebruik die Woord van God soos ‘n spieël om jou te vorm en lei.
2 Timoteus 3:16
“Die hele Skrif is deur God ingegee… en nuttig tot onderrig, weerlegging, regwysing, en onderrigting in geregtigheid…”
- Geestelike groei en Heiligmaking is nie vinnig nie — dis soos saad wat oor tyd wortel skiet onder die grond.
- Jou Geregtigheid in jou karakter (onthou nie jou posisie nie, dis vas) jou karakter groei soos jy in die Woord bly.
- Maar dis nie uit plig nie — maar a.g.v. ‘n liefdevolle verhouding met die lewende God.
Dis ‘n proses wat die Gees geduldig met jou stap. Kyk na Filipense!
Filippense 1:6
“Ek is daarvan oortuig dat Hy wat ‘n goeie werk in julle begin het, dit sal voltooi…”
- Dis nie ‘n eenmalige ervaring nie — dis ‘n lewenslange pad waar Heilige Gees jou karakter vorm om soos Jesus s’n te word.
Opsomming:
Wie bewerk dit? Hoe?
- God deur Jesus Christus wat jou ’n nuwe identiteit gee
- Die Heilige Gees deur verhouding, waarheid en tyd.
- Die Woord deur herinnering en bevestiging
- Dis karaktervorming transformasie wat oor tyd gebeur
Woorde “EN AL HIERDIE DINGE…SAL VIR JOU BYGEVOEG WORD”
Watter dinge? Kos, klere, geld, daaglikse goed. God sê nie jy moet dit afskryf nie — Hy sê Hy sal dit gee as jy die eerste dinge eerste hou.
God is nie ‘n ATM nie — Hy is ‘n Koning.
Maar Hy’s ook ‘n Vader — Nog meer as ’n aardse Pa, hou Hy daarvan om te gee as jou hart op die regte plek is.
“Seeking God’s Kingdom requires intentional, slow, daily realignment.”
Daardie knopies moet align wees en nie skeef nie. Hoe doen ons dit?
Deur reg te begin en die regte dinge te soek.
Slotgedagtes:
- Die Koninkryk is nie net vir kerk nie
- As God eerste is, dan verloor vrees sy houvas
- Jy hoef nie geregtigheid te verdien nie — jy ontvang dit deur Jesus.
- Jy hoef nie te bekommer oor voorsiening nie — dit word bygevoeg… as jy die Koning en Sy koninkryk eerste
Oproep tot aksie:
- Wie kry jou aandag eerste in die oggend — God of …
- Wie kry jou beste tyd en energie — God of jou to-do list?
- Is daar ‘n area in jou lewe waar jy weer met die regte knoop moet begin — met God eerste?
Dis tyd om te kyk na jou wegspring en die eerste knoop reg vas te maak.
Dan pas al die ander dinkge wat jy nodig het in plek.