Hoe begin/groei ‘n verhouding?
Wanneer ‘n ou ‘n meisie ontmoet, en hy wil haar beter leer ken, maak hy ‘n
afspraak met haar. Hy neem haar uit vir koffie/ete en hulle gesels met mekaar,
deel hulle ervarings en uiteindelik gaan die platoniese geselsies oor in dieper
gesprekke oor planne en drome.
Soos die verhouding ontwikkel dink ons meer gereeld aan hulle. Ons vind dat
ons gedagtes deur die dag na hulle draai en dikwels na hulle uitreik, selfs
terwyl ons slaap.
Hoe gebeur dit alles? Deur heen-en-weer kommunikasie.
Sonder om aanvanklik ‘n tyd en plek vas te maak of af te spreek, kom goeie
voornemens gewoonlik tot niks nie.